Video
Read full review
2021-12-23
391 views
以前唔鍾意食漢堡包，但近年口味變咗，所以有好多餐廳重新列入想食嘅名單，當中包括位於朗豪坊嘅天幕下的漢堡包「Texas Burger」。用天幕下呢個Term，好似彷彿透露咗年齡🤣。呢度座位數量唔多，所以晚市時份避免唔到要等位。餐廳顧名思義係食漢堡包，款式選擇都唔少。同時，佢亦提供多款墨西哥美食🇲🇽，咁樣就唔使一人吔一個包咁單調。德州燒烤牛肉漢堡Texas BBQ Beef Burger($88)，🍔漢堡包大小適中，餸料包括漢堡扒、煙肉、炸洋蔥圈、芝士同生菜等。麵包塗上牛油烘，味道幾香，而漢堡扒牛味都OK，肉質唔鬆散。主食可升級做套餐，加$66有奶昔、薯條同酸青瓜。🍟薯條簡單用味粉調味，外脆內軟，唔錯。我個人幾鍾意食酸青瓜，貪佢夠開胃，而且分開上都好，始終未必個個啱食🥒。燒烤手撕豚肉墨西哥卷餅Pulled Pork Tex-Mex Burrito🌯($82)，卷餅完整一條送上，面頭有唔少香口醬料，包括荳蓉、牛油果醬同酸忌廉等，食落唔乾。卷物餡料幾多，有手撕豬肉🐷、生菜同墨西哥辣椒等🌶，咬中咗後者會辣親，哈哈。飲品方面，我哋要咗雜莓奶昔Berry Love🍓🥛(原價$50)，奶昔嘅粉紅色造型
以前唔鍾意食漢堡包，但近年口味變咗，所以有好多餐廳重新列入想食嘅名單，當中包括位於朗豪坊嘅天幕下的漢堡包「Texas Burger」。用天幕下呢個Term，好似彷彿透露咗年齡🤣。呢度座位數量唔多，所以晚市時份避免唔到要等位。
餐廳顧名思義係食漢堡包，款式選擇都唔少。同時，佢亦提供多款墨西哥美食🇲🇽，咁樣就唔使一人吔一個包咁單調。
德州燒烤牛肉漢堡Texas BBQ Beef Burger($88)，🍔漢堡包大小適中，餸料包括漢堡扒、煙肉、炸洋蔥圈、芝士同生菜等。麵包塗上牛油烘，味道幾香，而漢堡扒牛味都OK，肉質唔鬆散。主食可升級做套餐，加$66有奶昔、薯條同酸青瓜。🍟薯條簡單用味粉調味，外脆內軟，唔錯。我個人幾鍾意食酸青瓜，貪佢夠開胃，而且分開上都好，始終未必個個啱食🥒。
燒烤手撕豚肉墨西哥卷餅Pulled Pork Tex-Mex Burrito🌯($82)，卷餅完整一條送上，面頭有唔少香口醬料，包括荳蓉、牛油果醬同酸忌廉等，食落唔乾。卷物餡料幾多，有手撕豬肉🐷、生菜同墨西哥辣椒等🌶，咬中咗後者會辣親，哈哈。
飲品方面，我哋要咗雜莓奶昔Berry Love🍓🥛(原價$50)，奶昔嘅粉紅色造型好靚靚，仲放咗個聖誕熊仔好可愛，少女味滿瀉💕。雖然飲品稱係雜莓味，但我認為主要係得士多啤梨成份。
總括嚟講，今日終於一嚐經過多次嘅德州漢堡，以大商場餐廳而言，佢價錢其實唔算貴嘅🙂，加上又可以用消費券同商場優惠，難怪有唔當少人幫襯。
Post
