人和月雞煲火鍋店 (Closed)

天氣凍凍地，好想打邊爐，因疫症無晚市，無得出去食，好彩尖沙咀有間人和月雞煲火鍋店好方便打個電話有人準備哂雞煲同材料，我今日叫左兩個人扣牌麻辣雞煲套餐$498 ，辣度可以選擇，包一個雞煲，一個清湯，牛板腱，日本黑豚片，粟米餃，墨汁墨丸，蟹棒，牛柏葉，雞脾菇，油麥菜，蜂蜜菊花露，桂花烏龍，火鍋川粉。材料好新鮮，我自己比較喜歡牛板腱好香牛味，火鍋川粉好煙韌，牛柏葉份量好多，食落好爽口。另外佢還有4人套餐，或者可以單點主菜，其他火鍋湯底。宜家仲要做緊外賣火鍋75 折，唔想食打邊爐，想食飯麵類，餐廳另外提供全日套餐外賣自取88折，仲要送涼拌小食或汽水。