Video
Read full review
2016-01-28
851 views
上星期過咗遲來的"真．冬天"經歷了香港四十多年來的低溫, 不過都無改一切生活習慣咁凍緊加要去做下運動暖暖身, 飯都要照食, 只不過想食點又熱又辣的早前見朋友post咗個靚景餐廳, 睇佢打卡地點原來係尖東海傍的泰國餐廳星期六最凍既一晚, 拍拖拖去試下先尖東這一帶有幾間不同附有室外及室內的餐廳/酒吧室外都設有暖爐, 不過當晚真的太冷, 唔想病, 所以都係坐室內晚上七時來到, 人流未算多, 都只是坐著兩三檯客人環境一點都不似在吃泰菜, 似西式餐廳多一點, 昏暗的燈光特別浪漫雖然是室內, 但餐廳都很細心地開了暖爐給大家, 因為真的太凍了~餐廳供應生蠔, 不過太凍, 想食d熱辣辣既菜廚師推介Drink Menu最後都是點了唔使諗的套餐 $738 For Two第一道菜: 西瓜蝦 Amuse Bouche我未試過2者夾埋一齊食, 西瓜好甜, 多汁蝦有我手指咁長, 爽口的第二個小食就是香煎鵝肝配脆米餅一口的外型, 吃落有2個口感, 鵝肝都很肥厚, 不失油香, 加埋脆米脆卜卜, 好好味!中間有少許芒果醬, 減低油膩感可能呢度有得賣酒的關係, 頭幾款小食用黎送酒是很不錯的選揀平時食炸雞會諗起"韓國"或者
經歷了香港四十多年來的低溫, 不過都無改一切生活習慣
咁凍緊加要去做下運動暖暖身, 飯都要照食, 只不過想食點又熱又辣的
早前見朋友post咗個靚景餐廳, 睇佢打卡地點原來係尖東海傍的泰國餐廳
星期六最凍既一晚, 拍拖拖去試下先
尖東這一帶有幾間不同附有室外及室內的餐廳/酒吧
室外都設有暖爐, 不過當晚真的太冷, 唔想病, 所以都係坐室內
晚上七時來到, 人流未算多, 都只是坐著兩三檯客人環境一點都不似在吃泰菜, 似西式餐廳多一點, 昏暗的燈光特別浪漫
雖然是室內, 但餐廳都很細心地開了暖爐給大家, 因為真的太凍了~
餐廳供應生蠔, 不過太凍, 想食d熱辣辣既菜
廚師推介
Drink Menu
最後都是點了唔使諗的套餐 $738 For Two
第一道菜: 西瓜蝦 Amuse Bouche我未試過2者夾埋一齊食, 西瓜好甜, 多汁
蝦有我手指咁長, 爽口的
Amuse Bouche
26 views
0 likes
0 comments
一口的外型, 吃落有2個口感, 鵝肝都很肥厚, 不失油香, 加埋脆米脆卜卜, 好好味!
中間有少許芒果醬, 減低油膩感
香煎鵝肝配脆米餅
19 views
0 likes
0 comments
平時食炸雞會諗起"韓國"或者"KFC"
但原來呢度嘅炸雞手指 Chicken Charm都唔錯
頭2款小食都係凍, 呢個終於是熱辣辣啦~
無骨的炸雞, 好多肉, 皮又香脆, 加上像沙爹醬的汁, 很惹味, 而且份量都唔少
Chicken Charm
21 views
0 likes
0 comments
當晚我好需要碗熱騰騰的辣湯暖身, 哈哈
看到顏色都知道是很濃郁, 材料也很多, 大蝦已碌殼, 蝦肉唔係梅淋淋
仲有好多菌類, 泰國香料, 真係勁足料呀!
我想講, 我飲到第3-4啖, 已經覺得有暖身效果, 雖然係有d辣, 但我就係鐘意呢個感覺
冬陰功湯
21 views
0 likes
0 comments
可能對男生來說, 套餐的份量未必夠食
接下來可說是main: 蟹皇炒飯 及 西班牙豬肋骨配南瓜醬伴清邁咖哩
每樣都分開小碟及人頭份量上菜豬肋骨大約有手掌份量, 對我來說當然是足夠啦~
豬的肉質是半肥半減, 所以入口是嫩滑的, 配以清邁咖喱, 可能是加入南瓜的關係, 我覺得不辣
但醬汁較濃及咸, 幸好有米飯伴送
西班牙豬肋骨配南瓜醬伴清邁咖哩
40 views
0 likes
0 comments
炒飯當中見到有蟹肉, 蛋碎及蔥粒, 顏色很平均, 也炒得乾身, 飯粒不會黏在一起
我試將幾滴青檸汁混在炒飯一同吃, 少少酸味味的, 中和剛才吃的濃味
蟹皇炒飯
23 views
0 likes
0 comments
很多時都只供一款甜品, 但這個套餐是包括2款的, 愛吃甜的我非常高興
左邊橙色的泰式奶茶奶凍 及 右邊的開心果雪榚
兩式都很少見也少吃到的
奶凍是較實淨, 有奶茶味, on top加上一粒桑莓中和甜味
而開心果雪榚也很好味, 好鐘意呢隻味, 外間唔係成日食到, 不過甜了一點, 但口感都是軟滑的!
泰式奶茶奶凍+開心果雪榚
56 views
2 likes
0 comments
下次無咁凍一定要坐室外
Other Info. :
點完餐後, 因為套餐不包括飲品, 我們亦沒額外點, 便問了一位中國藉像經理的職員要水
他面無表情的, 感覺不太良好, 要等一會才由其他外藉員工送上, 我們還以為被忽視
其實我覺得如餐廳自動為客人送上一杯水, 感覺貼心很多, 因為食泰菜會有辣嘛
(The above review is the personal opinion of a user which does not represent OpenRice's point of view.)
Post
