牛知己 (Closed)

去左元朗呢個美食天堂，唔知食咩既時候黎左陣寒風，就決定了食韓式火鍋！牛知己 係一間自助任食韓式火鍋，裝修新興乾淨，門口更有身穿韓服的女子，更添韓味！韓式泡菜火鍋湯底泡菜的味道由打開鍋蓋果刻，香噴噴的滿足了我聞覺，而且，配料非常充足，唔係只有色水！好濃郁的韓式泡菜呀！海鮮極選牛肉 牛肉肥美，脂肪飽和，入口有牛肉脂香，又無根，好難得！豚肉大大塊，肉味濃，又不失豚肉味！海鮮包括青口、白尤魚、帆立貝、蝴蝶蝦　青口滾完仍然大大粒，蝴蝶蝦係無殻，岩哂我呢個港女，海鮮好正，仲可以無限refill 配料種類繁多，蔬菜係好新鮮清洗得非常乾淨，丸類繁多，而我較為喜歡娃娃菜同芝士丸！蘿白、蓮藕就要開始時落下火鍋，差不多到尾聲就可以食得！正小食薯條、炸餃子、韓式粉絲、年糕魚糕。炸餃子既餡料係泡菜，風味十足！年糕魚糕亦有地道風味飲品&甜品飲品有凍有熱，任均選擇！岩哂我只喜歡熱飲的人！甜品有豆腐花同雪糕，而雪糕有乳酪及綠茶口味，加上朱古力醬及脆脆，充滿個人色彩的雪糕！整體黎講，牛知己 的性價比相當高，環境坐得舒適，亦有牛牛作為配襯！如果想食韓式火鍋，牛知己確係一間值得去試的鋪頭！