Video
Read full review
2021-05-26
917 views
喺天水圍行過見到有間新開嘅小店裝修唔錯，咁啱又有位，就走入去試吓。睇完Menu選擇都唔少，主打係啲烏冬，意粉，因兩個人太肚餓，所以叫左唔少野！沙律，餐湯，咁因為我哋係叫咗兩個主食，咁兩個都跟咗餐有沙律，同個湯。沙律一個要咗麻醬，一個要咗柚子汁，唔同醬有唔同感覺，柚子汁就清清爽爽，麻醬就有日式既味道。個湯飲到有甘筍嘅味都幾清甜，唔錯。咖喱炸蝦烏冬，個烏冬好彈牙，咖喱好有日式味道唔太辣，職員落單時都有同我哋講話可以要辣啲，事關我唔太食得辣所以就咁就OK。咁最尾加埋烏冬一齊食真係好正。個炸蝦又係即叫即炸，有三隻，好大隻，又係好好食！加埋咖喱又係另一種口味！蕃茄煙三文魚菠菜扁意粉，份量好多！賣相真係好靚！啲三文魚又大塊又好味，然後個汁辣辣地，但係好香口，好惹味！落單嗰時職員仲好窩心咁提我着咗白色衫食嘅時候小心啲，真係值得讚下！慢煮溫泉蛋，秘製流心蛋，本身我係好鍾意食蛋，所以都特登試吓依兩個小食。個溫泉蛋唔好講笑，好滑好好味，真係肯定係慢煮過，唔係Hea我！個留心蛋切出嚟嘅時候真係不停咁流心！如果鍾意食蛋，真係要叫黎試吓！明太子厚燒甜蛋燒，明太子味都幾突出，加埋個甜蛋又夠厚又夠甜，仲好大條，真心
沙律，餐湯，咁因為我哋係叫咗兩個主食，咁兩個都跟咗餐有沙律，同個湯。沙律一個要咗麻醬，一個要咗柚子汁，唔同醬有唔同感覺，柚子汁就清清爽爽，麻醬就有日式既味道。個湯飲到有甘筍嘅味都幾清甜，唔錯。
咖喱炸蝦烏冬，個烏冬好彈牙，咖喱好有日式味道唔太辣，職員落單時都有同我哋講話可以要辣啲，事關我唔太食得辣所以就咁就OK。咁最尾加埋烏冬一齊食真係好正。個炸蝦又係即叫即炸，有三隻，好大隻，又係好好食！加埋咖喱又係另一種口味！
蕃茄煙三文魚菠菜扁意粉，份量好多！賣相真係好靚！啲三文魚又大塊又好味，然後個汁辣辣地，但係好香口，好惹味！落單嗰時職員仲好窩心咁提我着咗白色衫食嘅時候小心啲，真係值得讚下！
慢煮溫泉蛋，秘製流心蛋，本身我係好鍾意食蛋，所以都特登試吓依兩個小食。個溫泉蛋唔好講笑，好滑好好味，真係肯定係慢煮過，唔係Hea我！個留心蛋切出嚟嘅時候真係不停咁流心！如果鍾意食蛋，真係要叫黎試吓！
明太子厚燒甜蛋燒，明太子味都幾突出，加埋個甜蛋又夠厚又夠甜，仲好大條，真心值得叫！仲要係即叫即燒，抵讚。
吉列炸蠔，即叫即炸嚟到嘅時候香噴噴又大隻，咬落口好熱仲好脆，真係好好食！炸粉唔太厚，蠔都幾大隻，仲要有三隻咁多，真係唔話得。
整體來講唔錯，原來佢哋有外賣，下次都可以試吓。
Post
