Video
Read full review
2021-06-24
1014 views
位於天水圍新北江商埸地下小店 - 川粵閣，環境ok企理，繁忙時間需要等位，亦有好多人等外賣。菜式種類豐富，除左酸菜、水煮魚等必點菜式外，仲有好多小菜、鍋類供選擇。值得一讚上菜速度迅速，落左單等唔夠5分鐘，小菜已經上哂碟。酸菜魚（小份、小辣、無骨） $88評分：★★★☆☆份量2個女仔食岩岩好，簡左無骨魚，但魚數量比較少，加埋酸菜同薯粉都夠食。湯汁算濃郁，唔會太油膩，但唔係食過最出色，不過不失。雖然以呢個價錢真係唔可以期望太高，但魚係食得出用普通急凍魚柳，事先用鹽、胡椒粉醃左，食落唔會鞋口，但就冇左新鮮魚嘅鮮味同口感此終差啲。佢地menu有其它魚嘅選擇(脆肉脘魚/生魚),未知會唔會比較爽脆鮮美。薯粉份量都多，煮得剛剛好，唔會一夾就斷哂，索埋d湯汁好惹味。酸辣土豆絲 $38評分：★★★★☆土豆絲粉份量十足，炒得夠哂爽脆，但唔會生，十分推介。但個人略廉唔夠酸（自己較熱愛酸），需要問店員拎陳醋加落去，香辣味夠哂，撈埋一齊勁開胃，超級適合而家夏天咁熱冇哂胃口嘅時候食。但店員都好貼心，特意過黎提醒下次落單時可預先講加酸。酸菜炒肥腸（小辣）$58評分：★★☆☆☆上菜時聞到好香濃酸菜味道，不禁對佢加多幾
位於天水圍新北江商埸地下小店 - 川粵閣，環境ok企理，繁忙時間需要等位，亦有好多人等外賣。菜式種類豐富，除左酸菜、水煮魚等必點菜式外，仲有好多小菜、鍋類供選擇。值得一讚上菜速度迅速，落左單等唔夠5分鐘，小菜已經上哂碟。
酸菜魚
60 views
0 likes
0 comments
評分：★★★☆☆
份量2個女仔食岩岩好，簡左無骨魚，但魚數量比較少，加埋酸菜同薯粉都夠食。湯汁算濃郁，唔會太油膩，但唔係食過最出色，不過不失。雖然以呢個價錢真係唔可以期望太高，但魚係食得出用普通急凍魚柳，事先用鹽、胡椒粉醃左，食落唔會鞋口，但就冇左新鮮魚嘅鮮味同口感此終差啲。佢地menu有其它魚嘅選擇(脆肉脘魚/生魚),未知會唔會比較爽脆鮮美。薯粉份量都多，煮得剛剛好，唔會一夾就斷哂，索埋d湯汁好惹味。
酸辣土豆絲
66 views
0 likes
0 comments
酸辣土豆絲 $38
評分：★★★★☆
土豆絲粉份量十足，炒得夠哂爽脆，但唔會生，十分推介。但個人略廉唔夠酸（自己較熱愛酸），需要問店員拎陳醋加落去，香辣味夠哂，撈埋一齊勁開胃，超級適合而家夏天咁熱冇哂胃口嘅時候食。但店員都好貼心，特意過黎提醒下次落單時可預先講加酸。
酸菜炒肥腸
73 views
1 likes
0 comments
酸菜炒肥腸（小辣）$58
評分：★★☆☆☆
上菜時聞到好香濃酸菜味道，不禁對佢加多幾分期待。雖然眼見份量唔少，但其實肥腸只係遍普面頭，底下嘅全部都係酸菜，肥腸、酸菜嘅比例大約係３：７。肥腸屬偏瘦，但明顯地冇咩酸菜味道，只係單純咸咸地，做唔到帶酸。所以對呢個菜式比較失望。
🌟總括：如果住附近嘅可以幫襯下，太遠就唔需要特登入黎食，因為出面大把店舖做到同樣水準。個人認為小菜類係唔錯嘅（除酸菜炒肥腸），幾個人叫2-3個餸嗌飯食，加上價錢宜人，上菜速度快，環境都寛尚坐得舒服。如果食酸菜魚／水煮魚，強烈建議叫佢地嘅脆肉脘魚/生魚。
Post
