小豆島日本料理 (Closed)

好耐冇食小豆島啦😂😂！覺得佢質素好過以前！仲多左個優惠，每消費$250，就可以用$1加購壽喜燒牛肉鍋🥩🥩同埋估唔到壽司刺身半價尼個優惠仲做緊！🥹軍艦方面，叫左吞拿魚蓉軍艦、海膽軍艦、三文魚籽軍艦3種都勁好食！！仲要勁平😆半價後海膽軍艦同埋三文魚籽軍艦，都只需$15@1出面真係好難食到尼個價😋質素仲要好好另外牛油果花之戀都好好味👍🏻但尼件就少少貴，半價左都要$19@一件，可以叫一兩件試下既😋牛鍋不過不失，但$1真係好抵，無咩好挑剔～另外仲叫左個地獄海鮮拉麵，正正常常，掛住食壽司所以冇影到佢😂