天香樓

Open Now

Now Closed

天香樓，果然名不虛傳。龍井蝦仁：用雨前龍井同埋河蝦，冇錯，係用好靚嘅河蝦，香港應該係只此一家。你會食到蝦味，蝦肉嘅自然質感，再配合龍井茶葉嘅清香，好正宗。生爆鱔背：用新鮮黃鱔，只係用背脊肉所以冇哂骨，爆到靚脆，絕不是乾爭爭的脆，而是帶有煙靭鬆軟的脆，調味一流，這種高水平相信香港只此一家。東坡肉： 天香樓嘅東坡肉做到有肥油但係唔肥膩，妙！ 伴著東坡肉上枱嘅湯汁直情可以飲埋佢，唔肥唔滯。「東坡肉已經出咗油，所以放心食，放心飲啦」，樓面海哥笑笑口咁溫馨提示，可能驚我哋會怕肥。其實我一啲都唔驚，食東坡肉一定要有肥膏，如果只係食瘦肉，不如唔好食，哈哈！蝦子竹筍： 「竹筍現在當造，整碟蝦子竹筍啦，包靚！」 海哥又再溫馨提示。竹筍的確好清好爽，冇酸味，加埋蝦子嘅香，簡簡單單，咁又一味靚餸。蟹皇翅： 原來係用生拆大閘蟹嘅蟹膏，唔怪得知咁好味，更何況天香樓嘅大閘蟹一向都特別高質素，蟹香真係贏人哋幾條街。魚翅嘅份量亦都唔少，裝到個碗滿滿的，我就問海哥有冇三兩翅，海哥笑笑口咁答：「冇三兩，得二兩九咋」，係咪玩我呀海哥，哈哈！呢碗蟹皇翅絕對係頂班嘅質素，不可不吃。酒釀丸子：令人驚喜嘅改良版。一向都覺得酒釀丸子