喜兆年酒家 (Closed)

今日同朋友經過海麗邨， 就嚟咗呢間酒樓食晏晝， 我們一行六個人， 行進酒樓見到好多人叫了一隻隻的乳豬 ，心想唔通今日有特別節目，後來服務員走過黎叫我們也來一隻乳豬，因為太公分豬肉， 今期做特價，我們本來都想拒絕，但見服務員盛意拳拳， 便叫了一隻， 乳豬一嚟，飄來陣陣香氣。雖然一整隻豬，但價錢只係218元，非常之抵食！ 一碟乳豬大約有二十件左右，所以每人大概都有三至四件，而且皮亦很脆，肉質很鮮甜，帶有少少肥，肉的比例跟肥膏的比例剛剛好， 不是太瘦， 亦不是太肥， 所以大家都食得好開心呀，我們大家打算下個星期會再來食乳豬！