茶米 (太古廣場) (Closed)

是日下午茶時間黎到太古廣場搵食，見到呢間新開既茶米，又有下午茶餐牌，就衝左入去！是日星期一，我地叫左乾炒豬頸肉米粉，真係好迷你喎😂每人分到半碗，多都無喇。炒得夠哂乾，乾到有好好好幾條米粉直頭係硬既！味道正常既。跟餐既竹蔗茅根，好清好淡既竹蔗茅根水。仲有小食麻辣豬腣花，好食喎，炆到淋哂入哂味，又食到麻辣味，但又唔會太辣，係啲毛清得唔夠好，仲有好多毛咁。焙茶布丁配珍珠，好食，真係好食，一定要試！唔差既，係金鐘無咩呢種類型既餐廳，坐得尚算舒服，可以有下次既餐廳。