Muze Mozz (Closed)

放工咁晏，唔想返屋企，同朋友傾下計，大家推介去太子嘅酒吧。最後揀咗去咗一間叫做"Muze Mozz"嘅餐廳兼酒吧。因為我哋啱啱收工，又餓又想飲酒，所以揀咗呢度，真係完全啱晒！餐廳嘅裝修好有度假嘅feel，牆身油漆圖畫令人好放鬆。我哋先order咗兩杯飲品，Earl Grey Martini (有酒精) $108同Muze punch (無酒精) $68。Earl Grey Martini上面有白色嘅泡泡，好吸引，Earl grey茶香味同酒味唔會太濃，仲有檸檬味！Muze punch係粉紅色，好靚，有沙冰同菠蘿香蕉果汁味，甜甜酸酸又唔會太甜，好開胃。然後嚟咗我哋嘅菜式，澳洲殼飼豬鞍串燒$138，豬肉入口彈牙，唔韌有肉汁。西班牙海鮮飯$248，上面有蝦、青口同蜆，加埋好多好多好靚嘅蕃紅花，炒飯內有大量海鮮粒，加入紅色海鮮濃湯炒，而飯炒到粒粒分明。