Video
Read full review
2017-10-19
962 views
每次一提起太子，相信大家第一時間一定會聯想到花墟，不過其實除咗「花」之外，太子都有唔少美食。早幾日睇 TVB 搵食飯團，得知花園街開咗間台式蝦煲專門店「蝦棧」。據說店裡的蝦煲，源自台灣，全部用上大頭蝦入饌，而當中最常見的款式，就包括有胡椒蝦、奶油蝦等。由於未嘗過大頭蝦煲，所以這晚下班後就特意過來一試。拉開趟門，店內地方細小，分成兩個用餐區，近門口處設有三數張四人檯。再往內走，入面空間不大，座位打直排開，以二人方桌為主，感覺有點逼狹。見時間尚早，店裡食客不多，立即揀個靠牆嘅單邊位坐下來。翻開摺頁式嘅餐牌，有蝦類、肉類、飯麵類、小食、鍋物、時蔬、甜品、飲品及特飲，選擇唔算特別豐富，不過蝦煲就有成 10 款，除了先前提過嘅胡椒蝦、奶油蝦外，仲有檸檬辣蝦、麻油蝦、椒鹽蝦、三杯蝦、酸辣蝦、鹽焗蝦，同埋兩款專為香港人而設嘅避風塘蝦和鹹蛋黃蝦。既然一心為吃蝦煲而來，當然要先點個大頭蝦煲，再加幾款台式小菜。趁蝦煲未到，先去近門口嘅養蝦缸細看，隻隻蝦都活生生，而且即撈即煮，未食已先興奮。馬上開餐，先來一客港式限定嘅鹹蛋黃蝦煲 ($208)，煲內共有 8 隻大頭蝦，隻隻蝦都大大隻，外層蝦殼沾滿鹹蛋黃蓉，賣
每次一提起太子，相信大家第一時間一定會聯想到花墟，不過其實除咗「花」之外，太子都有唔少美食。早幾日睇 TVB 搵食飯團，得知花園街開咗間台式蝦煲專門店「蝦棧」。據說店裡的蝦煲，源自台灣，全部用上大頭蝦入饌，而當中最常見的款式，就包括有胡椒蝦、奶油蝦等。由於未嘗過大頭蝦煲，所以這晚下班後就特意過來一試。
拉開趟門，店內地方細小，分成兩個用餐區，近門口處設有三數張四人檯。再往內走，入面空間不大，座位打直排開，以二人方桌為主，感覺有點逼狹。見時間尚早，店裡食客不多，立即揀個靠牆嘅單邊位坐下來。
翻開摺頁式嘅餐牌，有蝦類、肉類、飯麵類、小食、鍋物、時蔬、甜品、飲品及特飲，選擇唔算特別豐富，不過蝦煲就有成 10 款，除了先前提過嘅胡椒蝦、奶油蝦外，仲有檸檬辣蝦、麻油蝦、椒鹽蝦、三杯蝦、酸辣蝦、鹽焗蝦，同埋兩款專為香港人而設嘅避風塘蝦和鹹蛋黃蝦。既然一心為吃蝦煲而來，當然要先點個大頭蝦煲，再加幾款台式小菜。
趁蝦煲未到，先去近門口嘅養蝦缸細看，隻隻蝦都活生生，而且即撈即煮，未食已先興奮。
馬上開餐，先來一客港式限定嘅鹹蛋黃蝦煲 ($208)，煲內共有 8 隻大頭蝦，隻隻蝦都大大隻，外層蝦殼沾滿鹹蛋黃蓉，賣相好吸引。先嘗蝦頭，蝦膏勁澎湃，入口豐腴濃惹，甘香無可匹敵，簡直是邪惡到極點。剝開蝦殼，蝦隻厚肉得來又夠曬爽身，咬下啖啖肉，再舀起煲底嘅鹹蛋黃粒伴吃，入口鹹香味濃，色香味俱全，令人忍不住食完一隻再接一隻。
接著是一道台式香腸 ($88)，有墨魚腸和豬肉腸兩款，前者以墨魚汁和墨魚切粒製成，賣相漆黑，味道保留了墨魚的鮮甜；而後者豬肉腸就肥瘦適中，入口味道香濃，肉汁豐盈，以蒜片夾著一起吃，有種很豐富的甜美味道。
之後是一口炸豆腐 ($68)，豆腐以長碟盛上，Size 比預期大，而且上檯時還附有海鮮醬。挾起咬下，外皮酥脆，不過入面嘅口感就唔算滑溜，反而帶點煙煙韌韌，沾海鮮醬同吃，酸甜開胃。
魯肉飯 ($58)，魯肉呈亮麗焦糖色，入口醬油味不過分，而且肥瘦比例均勻，食落甘香不膩。面頭的滷蛋，蛋黃夠綿軟，蛋白亦滷得有點硬度咬頭，配上爽脆嘅日式醃蘿蔔和飽滿嘅飯粒吃，水準不俗。
壓尾揀個菜來平衡一吓，這一客是小丁香油麥菜 ($78)，油麥菜份量中等，菜葉油亮翠綠，口感爽脆，味道清甜；而丁魚乾就清香不過鹹，微微甘甜，每條都煙韌有嚼勁。
飲品選了菠蘿梳打 ($38)，梳打入口非常冰涼，而且甜度不高，加上杯邊嘅菠蘿大大片，既飲得又食得，夠曬清爽。
甜品揀咗南瓜雪糕 ($68)，南瓜雪糕以原隻南瓜盛著，外形的的骰骰，賣相超吸引。用匙舀起，有好濃嘅南瓜味，而且口感非常滑溜，入口有奶香，為這頓晚餐劃上一個美滿嘅 Ending。
Post
