Video
Read full review
2019-03-20
3016 views
2019年3月19日。晴。太子。喺附近收工，晚飯要食自己，又攰又餓嘅我就入咗呢間餐廳度食啦～呢區唔係遊客區，睇門口似係做街坊生意嘅～最鍾意幫襯小店～餐牌包羅粵菜所有元素～粥粉麵飯樣樣都有！餐廳入面個裝修幾靚～懷舊得嚟又有嘅摩登～淨水餃雲吞，$42有4隻雲吞3隻水餃～湯係清甜嘅大地魚湯～係雲吞（麵）獨有嘅湯底～雲吞同水餃入面都有鮮蝦，食咗一啖雲吞令人驚嘆！啲蝦係超級無敵咁爽口彈牙！！！！！好味到癲！仲有水餃都好正～除咗隻超級無敵彈牙蝦之外，仲有木耳絲同筍絲一樣爽口，但不一樣嘅口感～凍檸茶，$10嗌任何嘢食加十蚊就有埋飲品啦～本來嗌凍鴛鴦嘅，但係咁啱冇晒奶茶，咁就轉檸茶啦～幾好，唔太甜，茶味都幾濃～鮮蝦腸粉，$32腸粉個皮，張相已經說明一切！薄到呢～～～～隔住層腸粉皮仲可以見到啲蝦係幾咁大隻～腸粉非常軟糯，好鍾意呢種煙煙韌韌嘅口感仲有個豉油都好似有嘅竅妙，食到同普通豉油有少少唔同，但又唔知多咗啲咩總之就令個豉油更好味～郊外油菜，$18油菜好多條～側邊仲有蠔油～最後嘅驚喜係呢樣神秘嘅物體一坐低見張枱有呢樽嘢，有啲水，有啲白色一嚿嚿嘅嘢浮喺面開始研究嘅時候有啲驚，驚係啲咩巧妙嘅捉烏蠅裝置，但又
喺附近收工，晚飯要食自己，又攰又餓嘅我就入咗呢間餐廳度食啦～
呢區唔係遊客區，睇門口似係做街坊生意嘅～
最鍾意幫襯小店～
餐牌包羅粵菜所有元素～
粥粉麵飯樣樣都有！
餐廳入面個裝修幾靚～懷舊得嚟又有嘅摩登～
淨水餃雲吞
$42
54 views
0 likes
0 comments
淨水餃雲吞，$42
有4隻雲吞3隻水餃～
湯係清甜嘅大地魚湯～係雲吞（麵）獨有嘅湯底～
雲吞同水餃入面都有鮮蝦，食咗一啖雲吞令人驚嘆！
啲蝦係超級無敵咁爽口彈牙！！！！！
好味到癲！
仲有水餃都好正～
除咗隻超級無敵彈牙蝦之外，仲有木耳絲同筍絲
一樣爽口，但不一樣嘅口感～
凍檸茶
$10
49 views
0 likes
0 comments
凍檸茶，$10
嗌任何嘢食加十蚊就有埋飲品啦～
本來嗌凍鴛鴦嘅，但係咁啱冇晒奶茶，咁就轉檸茶啦～
幾好，唔太甜，茶味都幾濃～
鮮蝦腸粉
$32
43 views
0 likes
0 comments
鮮蝦腸粉，$32
腸粉個皮，張相已經說明一切！
薄到呢～～～～隔住層腸粉皮仲可以見到啲蝦係幾咁大隻～
腸粉非常軟糯，好鍾意呢種煙煙韌韌嘅口感
仲有個豉油都好似有嘅竅妙，食到同普通豉油有少少唔同，但又唔知多咗啲咩
總之就令個豉油更好味～
郊外油菜
$18
30 views
0 likes
0 comments
郊外油菜，$18
油菜好多條～側邊仲有蠔油～
酸蘿蔔
20 views
0 likes
0 comments
最後嘅驚喜係呢樣神秘嘅物體
一坐低見張枱有呢樽嘢，有啲水，有啲白色一嚿嚿嘅嘢浮喺面
開始研究嘅時候有啲驚，驚係啲咩巧妙嘅捉烏蠅裝置，但又發現冇窿畀烏蠅入去
開嚟睇下先知原來係醃蘿蔔～
睇個樣就知係自家製啦～醃得入味～
仲要係免費供應，正呀！
建議大家行過路過真係唔好錯過！
點都食返碗雲吞先走～支持小店～
Post
