湖南老家飯店

Open Now

Now Closed

食晏日日都食嗰幾間開始有啲悶，咁啱行過呢間鋪頭樓下派宣傳單張，見到有新嘢食即刻去試吓啦！我哋一行三人充滿好奇咁上左呢間餐廳，上到去真係幾有中國風味，因為首先見到天花板有好多燈籠，同埋有毛澤東石像。。呢度嘅抽油煙機系統真係有啲差，勁大浸炒餸嘅味道攻出嚟，一聞就聞到係炒辣椒嘅味道，真係充滿四川嘅風味🤩🤩🤩🤩我地嗌左酸菜豬耳米線，酸菜牛腩米線，酸菜炒肉沫木桶飯，嘢飲就係汽水嗰啲啦，自己喺雪櫃拎，自助形式，講個信字！！首先嚟咗個酸菜豬耳米線，真係超級有驚喜喎，首先啲米線唔會好淋，好爽身，係我鍾意嘅un度，啲豬耳同酸菜炒左先放上米線度，相當入味，係四川嘅味道，飲埋啖湯真係冇得頂，佢同出邊米線嘅湯底有啲唔同，係濃郁嘅酸辣味道，我好鍾意呀！！然後到酸菜木桶飯，又係有驚喜，首先好鍾意佢個木桶形式上枱，唔識得都睇得先啦嘛，酸菜同肉沫真係相當夾，點解啲飯得咁少㗎，完全唔夠餸飯，因為實在太好味，我其實唔係好食得辣但係都接受到呢種辣度🤭🤭🤭🤩🤩🤩🤩最後唔夠喉，再嗌多咗個酸菜牛腩米線！