慢煮工業 (Closed)

我係All day breakfast 愛好者，朋友介紹過呢間All day breakfast好味，一於試試；餐廳亦非開正係大街，不屬於繁忙類型，同餐廳名match返 #慢煮工業，所以坐得好舒服，餐牌裝修很有風格，蠻適合年青人打卡。比較少見All day breakfast配牛扒，所以價錢亦比平常貴少少；整體份量好大，男士都夠飽；牛扒肉質口感幼嫩，果然係慢煮，肉味濃郁；薯餅有兩塊真幸福，而且炸得超脆，好好味；蜜糖多士都烘得好香脆，果然係值得推介。朋友點咗 #慢煮安格斯牛扒三文治 ，三文治賣相好吸引，多士同樣香脆，配埋牛扒嘅肉汁，外脆內軟配合得好好，生菜解膩岩晒女士。期待下次再嚟飲品上有更多特式選擇。