友利坊 x 友利冰室 x 勿當奴 (Closed)

放工勁肚餓，同事提議食快餐，於是就嚟咗呢間都幾出名的餐廳😆果然係快餐，呢頭落完單，揀完位坐低講咗幾句廢話就上菜，好快！小炒二人餐 $198美國穀飼叉燒 拼 招牌即燒爆谷燒鵝 同事話呢間餐廳的叉燒好出名，一試果然好食，叉燒半肥瘦，肥位香瘦位腍，非常香口，好有口感。燒鵝皮很脆，好有油味，肉好軟腍，味道都很濃郁，配酸梅醬酸酸甜甜，味道好豐富🥰古法雙冬羊腩煲 (需要額外再+$60）好鍾意呢個羊腩煲😍份量勁大份，大大鍋咁上。羊肉咬落都幾有嚼勁，但唔算韌，無羶味。我覺得羊腩愈食愈惹味，羊味好濃郁。馬蹄同支竹勁入味，食到最後就變得偏鹹。荀好爽脆，都好濃味。老火湯 粉葛紅蘿蔔湯呢個湯飲落感覺落足料，亦唔似味精湯，好有粉葛味，都幾順喉。油菜正常發揮，仲跟兩杯餐飲。上湯金蒜白菜仔 $38佢的上湯底都幾清甜，都唔錯。友利坊 x 友利冰室 x 勿當奴 (太子)太子彌敦道750號始創中心地庫B1樓B02-06號舖*上述文章只供參考及以當時價格為準