Video
Read full review
2019-03-01
2339 views
尋晚第一次去呢間無肉食，整體上都算唔錯，仲有好多特色野食~不過就太早唔出野食，我地8點去食，拎咗2轉野食之後出面已經無咩野食，亦都無再Refill. (當時未到9點)，搞到好多款野食都無食過，只能眼白白睇住人地食。其實野食方面係好食嘅，沙律方面仲有雜豆、雜錦小堅果，同埋少有嘅藜麥，不過青瓜略為擺得太耐有D出水，仲有蘋果沙律、涼粉等等選擇，醬汁都夠齊備，唔錯。炸野款式比較多，有春卷、沙翁仔、蛋散、炸雲吞，仲有七味粉豆腐同扮炸魷魚鬚。個炸魷魚鬚其實食唔出係咩，反而炸豆腐入面夠Juicy, 而春卷入面芋頭蓉都比較多，炸雲吞入面餡料似係人手包嘅，有紅蘿蔔絲雲耳絲等等都足料，炸野都算好食。之後第2轉拎咗開胃小食，最推介麻辣雲耳同蓮藕，中小辣左右但辣得幾過癒。之後仲拎左個湯，係椰子紅蘿蔔湯，味道夠清甜。另外仲有壽司仔，有D似炸軟款蟹壽司嘅味道，好可惜一出之後畀人拎咗好多，之後就無再出過。第3轉開始已經無咩野食，發現好入味嘅厚切花菇，入晒味好有新年嘅感覺。節瓜甫個芡太厚。仲試咗個唔知係咖哩定葡汁蔬菜，唔辣但都夠香。之後已經無再出過野食，仲開始執野收爐了。 好彩見到佢出哈蜜瓜，大家個個排晒隊一夾就夾咗
其實野食方面係好食嘅，沙律方面仲有雜豆、雜錦小堅果，同埋少有嘅藜麥，不過青瓜略為擺得太耐有D出水，仲有蘋果沙律、涼粉等等選擇，醬汁都夠齊備，唔錯。
炸野款式比較多，有春卷、沙翁仔、蛋散、炸雲吞，仲有七味粉豆腐同扮炸魷魚鬚。個炸魷魚鬚其實食唔出係咩，反而炸豆腐入面夠Juicy, 而春卷入面芋頭蓉都比較多，炸雲吞入面餡料似係人手包嘅，有紅蘿蔔絲雲耳絲等等都足料，炸野都算好食。
之後第2轉拎咗開胃小食，最推介麻辣雲耳同蓮藕，中小辣左右但辣得幾過癒。之後仲拎左個湯，係椰子紅蘿蔔湯，味道夠清甜。另外仲有壽司仔，有D似炸軟款蟹壽司嘅味道，好可惜一出之後畀人拎咗好多，之後就無再出過。
第3轉開始已經無咩野食，發現好入味嘅厚切花菇，入晒味好有新年嘅感覺。節瓜甫個芡太厚。仲試咗個唔知係咖哩定葡汁蔬菜，唔辣但都夠香。之後已經無再出過野食，仲開始執野收爐了。 好彩見到佢出哈蜜瓜，大家個個排晒隊一夾就夾咗好多舊，好快清晒。
最後試左個蕃薯糖水同紅豆沙都唔錯，蕃薯糖水個薑都幾重味。最後五花茶都足料，菊花夠香唔甜，而紅茶隻味都幾複雜同特別，值得一試。
整體野食大部分都合格，但座位冷氣夠大，而且食物太快無Refill, 只能見住人地食自己又無得食。唯有下次再早D黎，再試下其他菜啦~
Post
