葵記茶餐廳

Open Now

Now Closed

難得有連假，去左我媽屋企小休幾日，順便當渡假。對於我黎講，藍地嘅全部食肆我都未試過，充滿新鮮感，去邊間食都冇所謂。媽開頭話去食農家菜，話果度好味又有甜品。但是日天氣又熱又曬，行到呢間重開店，媽就停左腳步，原來媽想食蒸魚。結果媽就點左梅菜蒸鯇魚飯，我就點左雪菜肉絲炆米，配熱奶茶同例湯。梅菜蒸鯇魚飯: 梅菜唔會好咸，但醃過食物少食為妙，鯇魚好鮮，蒸到好滑，蒸到恰到好處。魚汁豉油下一流。雪菜肉絲炆米: 雖然份量夠晒大，炆米冇味，肉絲亦都冇味，連我媽試過都話冇味。雪菜應帶少許咸味，雖醃菜少食好，但完全發揮唔到味。例湯係豬骨湯，食完冇口渴感，應冇落味精，雖未至於老火湯，都帶少許鮮甜味。奶茶就冇乜特別，帶少許苦澀味，一般而已。媽話下次食有關魚嘅野，就可再食，其他就唔駛了。