Video
Read full review
2020-11-03
3563 views
香港甚少有磯燒放題，見到大家打哂卡好吸引，所以打算試試。晚巿放題分三類，可以揀90或120分鐘。見星期五唔想食得咁趕，傾下計。最後我地揀左：🔸 磯燒6款精選海鮮 + 磯燒流水蝦 + 串燒放題（120分鐘） - $338/位。星期五、六、日要加$28/位附加費，姐係加10%要$400/位。價錢上唔算特別平，所以都有少少期望。餐廳看似幾人氣，星期五PEAK HOUR我地早1.5星期前就訂左枱。7點去到直接安排入座。舖面唔大，出升降機後一眼睇哂。當時入座率為1/3，已經感受到煙燻既空氣，睇黎抽氣系統做得麻麻。（小店黎計，都體諒到燒肉店/串燒店唔多唔少都會有少少油煙。）安排入座後，店員放低餐牌並無加以講解就走左，後來問清楚先做到決定。飲品自助形式提取，有7-8款，普通貨色。不知名啤酒，味道麻麻地。一開始店員放低左海鮮拼盤，每樣2件。海鮮包括生蠔、帶子、螺、鮑魚、青口、流水蝦、卜卜蜆。賣相唔特別吸引，店員等我地影完相幫我地開爐放上去燒。食物質素感覺唔到好新鮮，越燒就越縮...帶子同蠔仲收哂水。海鮮食落淡而無味，更不要說鮮味，有D奇怪...流水蝦大隻既，燒完都幾似樣。蝦膏同汁就無乜，肉質一般，唔會
餐廳看似幾人氣，星期五PEAK HOUR我地早1.5星期前就訂左枱。7點去到直接安排入座。舖面唔大，出升降機後一眼睇哂。當時入座率為1/3，已經感受到煙燻既空氣，睇黎抽氣系統做得麻麻。（小店黎計，都體諒到燒肉店/串燒店唔多唔少都會有少少油煙。）安排入座後，店員放低餐牌並無加以講解就走左，後來問清楚先做到決定。
飲品自助形式提取，有7-8款，普通貨色。不知名啤酒，味道麻麻地。
一開始店員放低左海鮮拼盤，每樣2件。海鮮包括生蠔、帶子、螺、鮑魚、青口、流水蝦、卜卜蜆。賣相唔特別吸引，店員等我地影完相幫我地開爐放上去燒。食物質素感覺唔到好新鮮，越燒就越縮...帶子同蠔仲收哂水。海鮮食落淡而無味，更不要說鮮味，有D奇怪...流水蝦大隻既，燒完都幾似樣。蝦膏同汁就無乜，肉質一般，唔會想狂食。係有後悔揀左磯燒海鮮PLAN。
食完一Round海鮮都無乜期望，轉攻串燒。比起其他串燒店，只能說種類太少。無刻意分牛、豬、雞、羊Category，因為肉類本身都係得10款，當中4款佔左係唔同味既雞翼。其餘都係丸類同蔬菜類。好笑既係唔知點解放題會有芝士撈丁(我地無食)。串燒上菜時，感覺好似見返少少曙光，賣相合格。全晚最好食係黑椒醬燒牛舌串，厚切成粒，富有彈性又軟嫩，Encore左幾串。其餘肉類好一般，好多野都好淡味，係連食物本身應有既味都無。丸類燒得Juicy好食既，炸物又乾又硬...
後來我地只係落多左份卜卜蜆同幾隻流水蝦，加少少串燒就收左手。真係叫唔落手，又唔想浪費食物。食到90分鐘既時候Last Order叫埋單，店員先講只收現金...依點係我地疏忽無上網留意到，但如果入座時提醒客人會更佳。第一次食放題唔收卡 =,= 無奈到即刻要落去㩒機...
除左食物扣分，職員服務扣分，環境抽風扣分...令我最接受唔到既係：當回頭拎袋時，見到地下有2-3隻勁健康既曱甴係地上面行黎行去！我跟住佢地既行徑望過去牆角.....救命！至少有5-6隻！姐係頭先一路用膳緊既同時佢地都開緊餐=0= 試想想樓面衛生情況都咁，廚房會係點？不敢想像... 見到後真係好不安，最後選擇同左店員反映... 佢只係平平無奇咁回應：「唉！唔好意思呀...」
如果你睇到依到，我相信你拎住$400，應該知點揀。
環境: 3/10
味道: 3/10
Post
