Video
Read full review
2019-05-13
549 views
本身同班朋友聚下舊諗住食西餐，行過百德新街就諗住求其搵間望落是是正正既餐廳食。由入座到離開侍應們態度都好好，可謂好好服侍，但有兩件事令我地都唔會考慮再去第二次。第一件事，食物質素同味道尚算ok，但以價錢去睇，其實食物味道只係普普通通，依個價錢咁既味道算貴。可能因為佢貴在有個任食沙律甜品吧，沙律甜品吧既食物中規中矩啦，任食既話都算係咁，起碼唔會難食先。第二件事係朋友嗌左份西冷牛扒要medium rare，因為一般餐廳煮牛扒都會熟過你想要既%，所以朋友本來想要medium，都改口叫medium rare，因為怕佢煮得太熟。點知牛扒黎到，一切開我地全部人都呆左，塊扒血淋淋嫁喎，完完全全唔係medium rare，已經係去到rare既程度。本身都諗住叫朋友同餐廳講要再熟啲，但朋友就話由佢啦，試下食rare，咁佢中意啦。之後，佢真係忍唔住要同餐廳反映，但唔係反映塊扒既生熟程度，而係塊扒勁多筋。我見佢切哂啲筋出黎，差唔到大半塊扒無左，見到都覺得慘。佢同餐廳反映左之後，經理行出黎同佢講話西冷不嬲都多筋，問佢一係轉肉眼好無。由於朋友唔想黎多塊西冷都多筋到癲，於是就接受經理既suggestion，當時經
由入座到離開侍應們態度都好好，可謂好好服侍，但有兩件事令我地都唔會考慮再去第二次。
第一件事，食物質素同味道尚算ok，但以價錢去睇，其實食物味道只係普普通通，依個價錢咁既味道算貴。可能因為佢貴在有個任食沙律甜品吧，沙律甜品吧既食物中規中矩啦，任食既話都算係咁，起碼唔會難食先。
第二件事係朋友嗌左份西冷牛扒要medium rare，因為一般餐廳煮牛扒都會熟過你想要既%，所以朋友本來想要medium，都改口叫medium rare，因為怕佢煮得太熟。
點知牛扒黎到，一切開我地全部人都呆左，塊扒血淋淋嫁喎，完完全全唔係medium rare，已經係去到rare既程度。本身都諗住叫朋友同餐廳講要再熟啲，但朋友就話由佢啦，試下食rare，咁佢中意啦。
之後，佢真係忍唔住要同餐廳反映，但唔係反映塊扒既生熟程度，而係塊扒勁多筋。我見佢切哂啲筋出黎，差唔到大半塊扒無左，見到都覺得慘。佢同餐廳反映左之後，經理行出黎同佢講話西冷不嬲都多筋，問佢一係轉肉眼好無。
由於朋友唔想黎多塊西冷都多筋到癲，於是就接受經理既suggestion，當時經理係話「一係同你轉肉眼扒好無？」咁因爲本身塊西冷得3成太生，於是朋友就同經理講塊肉眼要5成，經理都笑住話好呀無問題。
當新果塊扒黎到之後，我地真係笑左塊扒由西冷既3成，一升變到肉眼既7成。係Medium well呀，塊扒已經連粉紅色都唔見，完全係熟哂咁濟，點搞呀，肉眼的確係無佢塊西冷咁多筋，但係佢熟到口感好差囉真係。
朋友都廢事再叫廚房換啦，因為一開頭塊西冷已經浪費左，唔想再浪費多塊肉眼。但因為真係唔好食，佢食左半份之後都放棄左無再食。
好笑既係朋友覺得自己浪費左食物好內疚，而更內疚既係因為佢以為經理免費幫佢換左塊扒，佢以為自己比左一個價錢浪費左兩塊扒，所以內疚左好耐😂😂。
到埋單，因為我地趕住睇戲，單都無check就比左錢，之後先發現原來經理係取消左份西冷，但落左份肉眼既價，我地即刻笑爆佢白白內疚左咁耐。
雖然肉眼只係比西冷貴50蚊，但係佢塊西冷完全多筋到無人諗過會多成咁，餐廳某程度上有番啲責任，原本以為餐廳會以西冷價去補份新既肉眼比朋友，無諗過最後不單收左貴既價錢，連打個折頭都無，食物又唔係話特別好食，所以真係無下次了。
最衰無影到佢切啲筋出黎張相，無圖無真相左添失策！
沙律
11 views
1 likes
0 comments
沙律
11 views
0 likes
0 comments
西冷牛扒
$288
14 views
0 likes
0 comments
Post
