Video
Read full review
2009-07-26
14 views
因為我鍾意食烏冬,慕名而來,結果失望而回要我等左好耐位已經不在話下,問題係D野唔好食,點樣留低班客仔呢同朋友去食叫左3個烏冬,為左唔想一個烏冬就定佢死刑我3個都食過,真係無1個掂...重頭戲既烏冬唔好味!唔煙韌,唔係特別滑!真係做左北海道面粉嗎?我食過赤丸和甘味讚岐都比佢好得多!!!佢漏左我單,等我餓死喇,好在佢都幾醒目,即刻俾碗我1)海鮮湯烏冬個湯連帶個烏冬好鹹,青口又腥,成個烏冬都腥埋...朋友話未食過咁難食既青口!2)竹輪蝦天婦羅烏冬我地揀既3個中最正常既一個,其實講真只不過係普通炸蝦和炸獅子狗烏冬,普通貨色不是如此值得推介,唔知點解朋友呢碗烏冬既口感比另外兩碗都較林,極不煙韌3)炸蝦野菜餅掛烏冬(我果碗)個野菜餅賣相係好吸引,但食起上黎就係兩件事...好油膩,係用紅羅白,南瓜,同埋唔知乜炸埋一齊既...開頭食都無乜問題,唔覺得特別難食或者好食,但我食左一半就唔想食喇,我個人真係受唔住呢種野菜餅...連個醬汁都係赤丸好味D...總之呢度D烏冬真係好普通,唔係吹棒中講得咁西利千其唔好慕名而去!住屯門附近得閒去下就OK!等位都等死人
要我等左好耐位已經不在話下,問題係D野唔好食,點樣留低班客仔呢
同朋友去食叫左3個烏冬,為左唔想一個烏冬就定佢死刑我3個都食過,真係無1個掂...
重頭戲既烏冬唔好味!唔煙韌,唔係特別滑!真係做左北海道面粉嗎?
我食過赤丸和甘味讚岐都比佢好得多!!!
佢漏左我單,等我餓死喇,好在佢都幾醒目,即刻俾碗我
1)海鮮湯烏冬
個湯連帶個烏冬好鹹,青口又腥,成個烏冬都腥埋...朋友話未食過咁難食既青口!
2)竹輪蝦天婦羅烏冬
我地揀既3個中最正常既一個,其實講真只不過係普通炸蝦和炸獅子狗烏冬,普通貨色不是如此值得推介,唔知點解朋友呢碗烏冬既口感比另外兩碗都較林,極不煙韌
3)炸蝦野菜餅掛烏冬(我果碗)
個野菜餅賣相係好吸引,但食起上黎就係兩件事...好油膩,係用紅羅白,南瓜,同埋唔知乜炸埋一齊既...開頭食都無乜問題,唔覺得特別難食或者好食,但我食左一半就唔想食喇,我個人真係受唔住呢種野菜餅...連個醬汁都係赤丸好味D...
總之呢度D烏冬真係好普通,唔係吹棒中講得咁西利
千其唔好慕名而去!住屯門附近得閒去下就OK!等位都等死人
Post