Video
Read full review
2008-08-04
17 views
去Todai食左五次, 每次都係晚市. 覺得好好味, 所以都一值有支持, 今年去左三次, 上個星期再去, 食物質素令我好失望.上個星期二, 同朋友去食, 六點半鐘入座. 因為有預訂留座, 唔洗係外面等位. 如果唔係, 一係就坐埋D臨時座位, 一係就等等等..........到有枱.以往幾次去, 都恆常有呢D食物:生蠔:都覺得幾好味, 幾甜; 但今次冇蠔, 詢問下話因為唔新鮮冇出, 變左焗 蠔, 而原先的生蠔位置則以調味過的青口仔取代(都幾好味, 但都係另一 回事)阿拉斯加蟹腳:本人唔多好蟹, 但都覺得好味(有心理準備係會咸少少)焗蝦, 焗蠔:前者個汁同隻蝦好夾, 好好味! 偶爾有隻蝦好削, 唔新鮮; 後者蠔真係唔好食海膽:好好味!!! 好靚, 好甜, 係橙黃色!!! 但今次去, 海膽本身已經唔新鮮, 係橙啡色, 糊仔咁, 賣相唔吸引, 而且味道唔好, 外面的紫菜已經冧晒, 似係 擺左好耐, 唔係頭個批, 而係整晚都係咁.........好失望 魚生:普普通通,
上個星期二, 同朋友去食, 六點半鐘入座. 因為有預訂留座, 唔洗係外面等位. 如果唔係, 一係就坐埋D臨時座位, 一係就等等等..........到有枱.
以往幾次去, 都恆常有呢D食物:
生蠔:都覺得幾好味, 幾甜; 但今次冇蠔, 詢問下話因為唔新鮮冇出, 變左焗
蠔, 而原先的生蠔位置則以調味過的青口仔取代(都幾好味, 但都係另一
回事)
阿拉斯加蟹腳:本人唔多好蟹, 但都覺得好味(有心理準備係會咸少少)
焗蝦, 焗蠔:前者個汁同隻蝦好夾, 好好味! 偶爾有隻蝦好削, 唔新鮮; 後者蠔真係唔好食
海膽:好好味!!! 好靚, 好甜, 係橙黃色!!! 但今次去, 海膽本身已經唔新鮮,
係橙啡色, 糊仔咁, 賣相唔吸引, 而且味道唔好, 外面的紫菜已經冧晒, 似係
擺左好耐, 唔係頭個批, 而係整晚都係咁.........好失望
魚生:普普通通, 而且賣相不太吸引, 但可接受
魚子(大大粒):星期五至日先有供應, 其他日子就只有一D fusion sushi先有幾粒係面頭,
而當晚所見的fusion sushi 上的魚子係見到都唔想食, 一個字"霉"
龍蝦仔:係熱盆(類似鐵板燒), 淋上輕芝士汁, 我認為麻麻地, 煮到隻龍蝦仔好韌,
同埋要排隊, 頭個批要等成10~15分鐘!!!)
天婦羅:有蝦, 蕃薯, 冬菇, 軟殼蟹, etc.(去咁多次都唔會食, 睇住佢炸就覺得同街邊
個兜萬年油冇咩分別, 而且D天婦羅油淋淋咁)
甜品:雪糕有綠茶同朱古力; 雪芭有紅莓同芒果; D蛋糕不過不失; 梳乎里都唔錯,
得一隻味(記得好似係雲呢拿, 但都係要排隊, 七點半後供應), 班戟有唔同
配料(紅豆, 草莓, 蜜桃, cream, etc.), 但服務生整個個皮就真係mama day!
最欣賞係一口薄荷芝士(點完朱古力噴泉後就更加好味)
非酒精飲品二十元正, 無限添飲, 但覺得會因為掛住飲而食少好多野, 所以唔會要.結帳都係三百鬆D, 冇加價但食物方面, 不論質素同種類都同以前有出入, 食物種類少左, eg. 薄餅
可能有D食過Todai的朋友唔相信, 但我作為Todai的支持者都感到很失望.若果發揮到一貫準, 的確係抵食, 但我諗過一排先再會去食
Post