Granada by JW

Open Now

Now Closed

見有朋友極力推介這間新開張既歐陸菜餐廳,我就預早訂枱試試,餐廳位於元朗劇院附近,門外裝修簡約而有點豪華。餐廳環境很有情調,柔和燈光加上輕鬆音樂,俾人一個放鬆既感覺。菜單主要有兩款選擇，一種四course 每位$438, 而另一種就六courses 每位$578。我就選擇左四course,頭盤係帶子魚子醬蠔的味道,賣相好精緻,帶子味道鮮甜,配上天然咸鮮味魚子醬加上有海水味既葉,多重鮮味,口感豐富。熟薰三文魚魚子,三文魚嫩滑帶點煙薰味，入口甘香濃郁。魚子大大粒,鮮味十足。白松露洋蔥湯,口感香滑味道濃郁,飲得出這湯材料十足。主菜選左燒安格斯頂級肉眼扒(19-20安士),配菜有薯仔同三種蘿蔔,份量十足,足夠兩個人食,肉質嫩滑而牛味香濃，味道帶點脂香，令人回味無窮。廚師用心製作食物,每款菜都做得出色,值得再次捧場。