京滬坊

Open Now

Now Closed

今日突然想食小籠包， 本身想去第二間， 不過經過覺得呢到好似幾好味， 出面實在太熱啦， 就佢啦！餐廳好細間， 啲枱都好細張， 不過lunch time都唔太多人， 小貓3 4 隻咁。 鋪頭似家族小店， 行溫馨路線～好耐冇食上海菜， 一打開menu覺得所有嘢都好想食。 最後我地2個人， 叫左小籠包， 鍋貼， 上海炒年糕， 同埋一個酸辣湯share😍酸辣湯🏅🏅🏅🏅🏅超多料， 好正！一人份都幾大碗， SHARE岩岩好。 小籠包🏅🏅🏅🏅🏅我要講， 小籠包真係令我好驚喜， 平時去小店食親小籠包都一定會穿， 唔穿係好彩， 所以我不嬲都唔鍾意去啲太cheap嘅鋪頭食小籠包， 不過呢到完全冇穿， 亂夾都冇穿！！因為佢地小籠包個頂頂好圓， 我本身夾唔起， 夾左幾次， 點知都係冇穿， 薄皮又多湯， 好驚喜呀～～ 上海炒年糕🏅🏅🏅太多椰菜嚕， 我比較鍾意大堆年糕煙煙靭靭， 同埋佢地年糕太濕， 唔夠乾身 鍋貼🏅🏅🏅🏅🏅又一樣好味推介， 個皮冇穿之餘， 一啲都唔油又做到脆卜卜， 想食多份🤤 未食完年糕男朋友就話飽， 其實我想食埋生煎包😂, 不過下次啦， 實有機會！