肯德基家鄉雞 (KFC) (Closed)

中咗廣告毒，今日竟走去KFC食佢哋最近嘅新作。之前都去過食這間KFC，無乜驚喜、服務平平都接近差，比起我去開同類型嘅快餐店，KFC真係有一大段距離。今日一樣令人失望，收銀嗰個毫無笑容、禮貌欠佳、態度甚差。叫咗兩個餐，一個配雞包、一個配磨菇飯同一件炸雞，兩個餐都有炸壽司。我件炸雞完全唔熱，件所謂壽司就好似炸咗兩日，裡面得條蟹柳，可以用難食去形容。做到無嘢好做，味道古古怪怪，好心佢哋就用心做好d炸雞，真係無事搵事嚟搞。碗所謂磨菇飯就更加唔掂，味精磨菇就真，攞d材料去浪費，我只食咗一半就開始覺得口乾，味精濃度十分勁。我覺得我哋用咗六十幾蚊去食咗一餐味精送飯。