Cocina 3 Tapas Restaurant & Bar (Closed)

現在接近年尾，大型商場都各出奇謀地布置迎接新年，往年奧海城佈置都很有新年氣氛及特色，所以今年也過來行嚇。晚飯當然在奧海城食了。這間西餐廳Cocina 3 Tapas， 紅色的軟梳化，令餐廳顯得非常雅緻。門口的招牌扒餐及雅緻的裝修吸引了我。坐下後餐廳先送上一個薄脆小食，可以一邊食一邊揀菜式。板燒西班牙黑豚肉10安士$248板燒西班牙黑豚肉，伴碟有沙律菜及薯條，薯條炸得外帶少少脆內帶鬆軟。板燒西班牙黑豚肉，一格格的網紋，面上的肉汁及黑椒調味料，顯得份外吸引。黑豚肉要了全熟，雖然入口有少少鞋，但點上蒜蓉汁，都很入味。美國頂級西冷牛扒12安士$268美國頂級西冷牛扒，與板燒西班牙黑豚肉的配菜一樣，有沙律菜及薯條。美國頂級西冷牛扒要了七成熟，廚師燒得剛剛好，西冷牛扒厚切，肉質帶著嫩紅，秘製的黑椒醬汁，再加多一些黑椒，令牛扒更為美味。