順興餐廳

Open Now

Now Closed

未夠鐘，走一轉九龍城下午茶先。 呢間由1972年，中間不斷裝修，咁多年仲係到，一定有無原因嘅。下午茶款式真係唔要，睇完再選食乜都要D時間。見幾多人叫米線，廚房不斷出 所以叫左個魚皮蝦餃芙蓉卷魚湯米線。平時唔食魚魚餃嘅我，見到係蝦餃，都想試下。跟住傳統西餐，炸魚柳併沙律，個沙律又真係少左D囉，望落都唔少，其實得一層，一個酒樓碗仔都無囉，但魚柳夠脆口，即炸無得輸。而最主要，當然係個冰奶茶啦，佢最出名嘅嘢喎。但因為下午茶，飲太多茶會唔駛瞓，所以只叫左一杯，加杯華田share飲溝淡佢。個奶茶唔太濃，唔太甜，想要濃嘅，可能唔多like，但我好鍾意，又夠滑，好快被人飲晒，share之苦。價錢公道，可以encore值得一提，佢高層次左，枱上有鐘拑，唔夠人手又好，唔想侍應行黎行去都好，茶記有呢個設計，一讚。