亞萊嘜嘜 (Closed)

簡簡單單食餐泰國菜，邊食邊好似去咗泰國食咁，因為餐廳煮出泰式地道風味，多謝朋友仔食完元朗分店後推介畀我，荃灣呢間都唔錯，近千色，好就腳。泰式肉碎生菜包 肉碎炒得好鬆化而且又唔係好辣，辣度啱啱好，好惹味，用生菜包住食口感好爽，生菜處理得好爽脆。泰式香芒蟹肉炒飯第一次食用芒果用嚟炒飯，味道估唔到又幾好喎，特別一讚係有勁多蟹肉呀，啖啖蟹肉入口，又唔使自己拆肉，呢個飯食得好滿足。鹹青檸梳打冰好少見到泰式梳打用既係鹹青檸，餐廳將鹹青檸醃得非常入味、非常鹹，愛鹹一族一定會好鍾意，受唔到咁鹹既話，建議唔好篤咁大力，又或者叫餐廳畀糖水你倒入攪伴飲。香芒黑白糯米飯未食已經聞到泰國芒果既味道，新鮮泰國芒果肉熟度剛剛好、甜度剛剛好，再配沾有椰醬既黑白糯米飯，口感煙煙靭靭，完滿咗一餐飯。