鮨政 (Closed)

壽司拼盤(特上）🈵一個好豐富既壽司拼盤呀，有大吞拿魚腩、中吞拿魚腩、海膽、帶子、三文魚腩、白身魚 牡丹蝦、油甘魚腩、鰻魚、三文魚子，望到都勁開心！我最中意佢地既海膽，係日本直送既，好鮮甜，完全唔腥，好濃味，好正呀！蔥吞拿魚腩細卷🈴呢個雖然係細卷，但同樣認真，每粒都充滿吞拿魚蓉，好濃密既吞拿魚味，好她又唔會滯既卷物！螢光魷魚刺身🉐一個要睇時令先會食到既刺身，螢光魷魚大細岩岩好，好彈牙，煙煙韌韌咁，仲要有膏添，好鮮味，完全唔腥呀！五點刺身拼盤💯呢個刺身有三文魚、北海道帶子、甜蝦、赤身、油甘魚，每款都大大件，好鮮味，好新鮮，我最中意食油甘，雖然唔係魚腩，但係都已經好肥美，肉質好滑，好腍身，全部都極級好食！大雜錦天婦羅🅰️呢個天婦羅有蝦、冬菇、番薯、蟹柳依啲，我覺得最好係佢哋嘅炸粉好薄，只係啱啱好包住啲餡料，唔會太油膩，冬菇亦都炸得好好，保留到菇嘅鮮味，其他全部都係好味既，有料到既天婦羅！