Video
Read full review
2021-08-19
243 views
美食博覽喺幾個禮拜之前已經圓滿結束，我就當然唔執輸去睇吓有乜嘢平嘢買啦！喺去吓美食博覽之前，首先要醫飽個肚先有力氣作戰，即刻諗起自己一路都好想試吓嘅一間餐廳，咁就梗係唔好錯過呢個機會去試吓！呢間餐廳不論門口同裏面嘅裝修都係走泰國街頭風。全場嘅工作人員都係泰國姐姐，而且一路都播住啲泰文歌，感覺上真係好似置身喺泰國一樣超正！我今次就叫咗個我最鍾意食嘅泰式豬手飯，一個豬肉炒金邊粉(Pad Thai)，一杯泰式奶茶同埋一份芒果糯米飯。呢個豬手飯我覺得有80%泰國嘅味道，佢嘅豬皮好QQ，而且豬肉只需用餐具就可以完美咁鬆開。而且佢個味道亦都有好香濃嘅滷水味，佢仲免費附上微酸嘅豬肉碎湯，啱晒夏天食用。唯一一個美中不足嘅地方就係佢冇酸菜，如果有嘅話就一定Perfect啦！至於佢嘅金邊粉入口微酸，同當地食到嘅都有啲相似㗎，不過略嫌比較濕，但係整體都不錯吃。泰式奶茶反而因為佢用咗淡奶所以感覺爭緊啲，不過因為佢用返泰國本地嘅茶葉去沖制，所以茶味同泰國飲到嘅一模一樣架。最後佢嘅芒果糯米飯我真係極度大推介！呢個芒果糯米飯只需要$40，但係份量就好多，好啱兩個人一齊share食，而且佢嘅飯係熱辣辣新鮮製造，味道同
呢間餐廳不論門口同裏面嘅裝修都係走泰國街頭風。全場嘅工作人員都係泰國姐姐，而且一路都播住啲泰文歌，感覺上真係好似置身喺泰國一樣超正！
我今次就叫咗個我最鍾意食嘅泰式豬手飯，一個豬肉炒金邊粉(Pad Thai)，一杯泰式奶茶同埋一份芒果糯米飯。
呢個豬手飯我覺得有80%泰國嘅味道，佢嘅豬皮好QQ，而且豬肉只需用餐具就可以完美咁鬆開。而且佢個味道亦都有好香濃嘅滷水味，佢仲免費附上微酸嘅豬肉碎湯，啱晒夏天食用。唯一一個美中不足嘅地方就係佢冇酸菜，如果有嘅話就一定Perfect啦！
至於佢嘅金邊粉入口微酸，同當地食到嘅都有啲相似㗎，不過略嫌比較濕，但係整體都不錯吃。泰式奶茶反而因為佢用咗淡奶所以感覺爭緊啲，不過因為佢用返泰國本地嘅茶葉去沖制，所以茶味同泰國飲到嘅一模一樣架。
最後佢嘅芒果糯米飯我真係極度大推介！呢個芒果糯米飯只需要$40，但係份量就好多，好啱兩個人一齊share食，而且佢嘅飯係熱辣辣新鮮製造，味道同我喺泰國食到嘅係完全一模一樣㗎！
總括嚟講我都推薦大家去呢間餐廳感受下Chill下，我喺呢個用餐時間我真係覺得自己好似去咗泰國咁㗎，喺呢個暫時冇得飛嘅情況底下，喺呢度都的確搵到一陣泰國嘅光景㗎，大家有興趣就試吓啦！
Post
