一方堂居酒屋

Open Now

Now Closed

今日到尖沙咀做頭髮，行過哩間餐廳，有位姐姐好熱情啲介紹，睇落唔錯，咁試試啦。店鋪唔算大，得數十張台，裝修得好有日本風。晚市唔少嘢食可以揀，仲有當日限定menu。七味墨魚咀，墨魚咀好大一粒，炸得脆啵啵，食落唔會好油，搭配埋蛋黃醬一齊食更加好味。清酒煮蜆，蜆用清酒煮完唔會腥同埋寒，食落仲會好鮮甜。哩間餐廳會搭配埋金菇一齊煮，好得意。原條池魚，今晚主菜。池魚好大一條，厚切刺身都差唔多有20幾件，仲會搭配一碟池魚蓉，好like。池魚食落軟嫩鮮甜，簡直入口即化，點埋鋪頭自製醬汁，味道更加豐富。池魚蓉落咗大量薑蔥，食落又係另一種風味。牛肉稻庭烏冬，分量好大，牛肉同日本蔬菜比得好豪。烏冬用咗稻庭烏冬，點煮都好，食落都好彈牙爽口。