南小館 (Closed)

睇完早場， 需要醫肚嘅鐘聲響起……在同一幢大厦，落層扶手電梯就有嘢食，眼前的一間食肆，雖然賣生煎包同上海麵，但裝璜並不傳統，較年青的感覺，明亮雅緻。先來兩杯熱茶，淺黃色，淡淡的，還可以。但原來這是額外收費項目，唔……可以好飲啲，起碼濃少少。前菜有花生和醃菜，味道和份量OK。生煎包味道幾好，內有湯汁。但用金屬器皿盛載，食物很快變涼，第一啖食得很小心，怕饀料燙咀，怎料溫度並非太熱。今餐最好食嘅係風沙小黃魚，皮脆肉香，乾而不硬。至於老媽炒年糕，可能尖沙咀租太貴，所以主要係豆豉辣醬油年糕，有啲肉，菇不太多。