Duke's Deli (Closed)

上兩個星期同好朋友聚會, 我地係一行3人係 iSquare行左一陣, 原本諗住搵個地方食下野傾下計。行左一陣都唔知食咩好, 因為太多食店都唔知如何選擇,之後我地行到3/F 的Duke's Deli 時覺得店內坐位好舒適, 之後我地一行3人就入左去食。當見到餐牌時我地已經覺得好超值, 於是我地叫左一個pizza餐, 一個芝士漢堡餐加多一個半份的牛柳面包餐。原本餐牌上的飲品只有凍檸檬茶同可樂, 但問左侍應哥哥可唔可以轉熱飲佢話唔可以只好飲凍飲, 但當餐飲黎到時有一個驚喜就係幫我地轉左熱飲仲好大杯TIN 。見到杯飲品已經好開心, 之後黎埋第一個餐 pizza 餐。又一個驚喜的係好大件同好豐富, 食呢件pizza 同出面的pizza好唔同, 因為入口唔太油仲有口感而料就非常足料唔會好似出面果D 咁得好少, 而沙律就麻麻因為係酸沙律(好似KFC果D ) 唔係人人都食, 但D 薯條超好味一句講晒正。而芝士漢堡餐黎的時間我地仲開心, 因為見到個包好大個而芝士開始溶我地見到真開心, 當我地食的時候就覺得D 肉汁好豐富而芝士就咸左少少但整體都好好味, 但呢個包就一定要熱食, 因為凍左口感同味道就麻麻地。