牛大人台灣火鍋吃到飽 (鱷魚恤中心)

Open Now

Now Closed

講到 #小秘書 嘅Comfort Food，當然唔少得充滿熱鬧同歡樂嘅 #火鍋餐 🍻 每當我開心同唔開心，都會諗到約埋一班朋友出嚟烚吓烚吓，一解相思之苦🤭 不過偶爾都想靜靜地，兩個人撐吓枱腳😉 早排俾我發現咗，原來 #牛大人 大喺中午時段設有一人餐（獨立鍋），咁就可以自選湯底，唔使就嚟就去咁麻煩啦😏 呢次我揀咗 #紅燒牛嘅鍋 做湯底，望落去個湯底都幾濃郁，起初仲以為味道會好辣，不過又完全唔係嗰回事，飲落去只係有少少藥材味、味道甜甜地，用嚟放 #火鍋料 都幾夾嘅🤤🤤 我叫嗰個C餐包咗兩盤豬肉片，肉味唔算濃，不過成個餐以一百蚊鬆啲嘅價錢嚟講，算係超值🤤 而佢哋嘅 #肉丸、#蔬菜，同各式各樣嘅 #飲品，仲有 #脆皮雪條、#雪糕 都係任飲任食㗎‼️如果自問食得快，一定夠晒滿足🍻 但係對於 #小秘書 嚟講，真係有啲搞唔掂😅 1小時任食時間喺入座嘅時候已經起標，等得服務員拎個湯出嚟已經5分鐘，再等個凍湯再翻熱又15分鐘，淨落嚟嘅就只得40分鐘速食時間😅 有啲壓力囉🤭🤭📍 牛大人 Master Beef｜觀塘開源道79號鱷魚恤中心5樓