好叉好味 (百家利中心) (Closed)

好叉好味， 唔同嘅人有唔同嘅解讀 ，偽文青 😛就解讀為， 好叉燒， 好好味 。😋個名改得好特別 ，仲要有好多間分店， 即係名副其實嘅好味啦！😘 我哋一人揀一個餐試下， 一個係叉燒菜飯 ，一個係燒雞肉沙律配柚子汁 ，兩個餐上面都有一個好靚嘅荷包蛋， 叉燒同雞肉嘅份量都好多， 保證食得飽 。最值得一讚既係， 呢間餐廳好環保， 用紙盒而唔係塑膠盒 ，設計仲好靚好有友善， 係高身圓形設計， 就算女仔隻手好細，都可以揸住個盒食飯， 叉燒切到四四方方一嚿 ，瘦多肥少 ，一啲都唔柴， 燒雞肉都係好多， 配埋沙律柚子汁 ，超健康 超好味。 而且價錢唔貴 ，唔使60蚊就有一個餐 ，唔怪得分店越開越多 ，咁環保嘅食肆值得推薦。👍👍