Video
Read full review
2016-07-25
594 views
估唔到，去酒吧餐廳都可以傾心事！我一直以為，酒吧好嘈，又無嘢食，只有飲酒同嘈吵嘅音樂聲……今次朋友帶我去完呢間餐廳之後，就打破咗呢個固有嘅觀念。我們去到呢間餐廳應該係6點9左右，餐廳有一兩檯人，燈光就有啲黑，可能酒吧都係咁嘅。亦都因為咁，影出嚟嘅相都有啲黑，有啲就朋友幫手用電話打燈XD（唔該曬！）我哋跟SET叫，DINNER SET（$168加一）有湯、前菜、主菜同飲品。我哋揀嘅湯同前菜都一樣，主菜同飲品都唔同。值得一提嘅係，呢度食完可以繼續坐，兩小時之後，飲品可以免費任添！真係好抵！啱晒吹水喇！湯係忌廉湯，不太特別，不過有枝餅乾可以點住嚟咬下食下，就特別咗囉。前菜就係香煎鵝肝多士。其實我唔係好鍾意食鵝肝，有得揀都避免揀，不過跟餐有就無得避啦。好彩呢個鵝肝多士都算唔錯，鵝肝應該啱啱煎好就夾入去多士度，所以有啲餘溫，食嗰時仲暖暖哋，滑之餘有種入口即溶嘅感覺！多士烘得脆卜卜，正！主菜分別係8安士嘅安格斯肉眼牛扒同埋半隻香草燒鷄！扒大過我手掌，好大塊，雖然係薄身嗰種，但我目測覺得應該唔止8安士呢。扒唔算韌，切得幾輕鬆。食落都算有肉味，而脂肪部位入口超甘香，百幾蚊嚟講，質素唔錯。燒雞雖然得半隻
估唔到，去酒吧餐廳都可以傾心事！我一直以為，酒吧好嘈，又無嘢食，只有飲酒同嘈吵嘅音樂聲……今次朋友帶我去完呢間餐廳之後，就打破咗呢個固有嘅觀念。我們去到呢間餐廳應該係6點9左右，餐廳有一兩檯人，燈光就有啲黑，可能酒吧都係咁嘅。亦都因為咁，影出嚟嘅相都有啲黑，有啲就朋友幫手用電話打燈XD（唔該曬！）
我哋跟SET叫，DINNER SET（$168加一）有湯、前菜、主菜同飲品。我哋揀嘅湯同前菜都一樣，主菜同飲品都唔同。值得一提嘅係，呢度食完可以繼續坐，兩小時之後，飲品可以免費任添！真係好抵！啱晒吹水喇！湯係忌廉湯，不太特別，不過有枝餅乾可以點住嚟咬下食下，就特別咗囉。
前菜就係香煎鵝肝多士。其實我唔係好鍾意食鵝肝，有得揀都避免揀，不過跟餐有就無得避啦。好彩呢個鵝肝多士都算唔錯，鵝肝應該啱啱煎好就夾入去多士度，所以有啲餘溫，食嗰時仲暖暖哋，滑之餘有種入口即溶嘅感覺！多士烘得脆卜卜，正！
主菜分別係8安士嘅安格斯肉眼牛扒同埋半隻香草燒鷄！扒大過我手掌，好大塊，雖然係薄身嗰種，但我目測覺得應該唔止8安士呢。扒唔算韌，切得幾輕鬆。食落都算有肉味，而脂肪部位入口超甘香，百幾蚊嚟講，質素唔錯。
燒雞雖然得半隻，但一個人食，加埋下面嘅薯蓉，份量就多咗啲喏。燒雞味道雖然唔係好惹味（如果用香草以外嘅調味料去烹調，應該會惹味好多），不過火候啱啱好，肉質幾嫩滑，雞胸肉都唔「鞋」口！薯蓉好多，好好味！
餐飲呢，我點咗APPLE CIDER，朋友叫紅酒！其實我2樣都好少飲，我平時都好少飲酒，啤酒都唔多飲嘅。不過APPLE CIDER 影相吸引啲，飲落都OK嘅。不過對我嚟講就大杯咗D，唔使REFILL喇～
朋友係叫紅酒，因為佢話要飲紅酒配牛扒XDD佢有冇REFILL？無啦，因為佢都飲唔晒！但我哋食完就喺餐廳度談天，談了差不多一小時都沒有人催我們，很久未試過食得咁舒服，咁自在，無壓力喇～
Post
