新斗記 (Closed)

每次經過新斗記都沒食過，適逢今次女朋友想食乳豬，決定近近地係市中心食試試佢既得獎乳豬！大概8點去到，店門有大大個招牌，左邊有個火爐俾人睇烤乳豬。可能因為平日，店入面唔算多人，好快就可以上座。每套餐具都有一式一樣既設計同圖案，連茶壺都有，感覺好一致同整齊。因為比較餓，所以點了一份乳豬，一隻乳鴿，招牌啫啫唐生菜煲同埋一煲泥鯭粥。打頭陣既乳鴿水準不過不失，不過唔似一般既酒樓切開四份，反而再切得細份啲，方便食用。跟住就黎乳豬，份量唔算多，但件件塊片都烤得好脆，塊肉仲要好厚！點埋乳豬醬味道恰道融和，十分惹味！啫啫唐生菜煲蝦醬香味十足，炒的時間剛剛好，唐生茶入味得黎亦爽口，認真開胃！至於個拆肉泥鯭粥加入陳皮煲成，值得一讚既係個粥沒加薑黎辟魚腥味，只有陳皮就已經足夠，因為新鮮魚所以粥都留有魚的鮮甜味，同埋煲粥的確好足料。最後送上紅豆沙，同樣不過不失，食埋甜點就滿足晒了！店的服務值得一讚，從來不需要舉手找人加水，換碟或加粥，令今次食飯錦上添花！