潮洲滷 (Closed)

成日心思思想食潮州打冷，但多數都要大班人食先開心嘛，所以今日經過呢一間滷味外賣店，忍唔住走咗入去買返幾味加餸！-老闆好好人咁主動問我想買咩食，而我呢個選擇困難嘅朋友仔就表示咩都想食...於是老闆就推介滷水鵝、鵝腎同豬耳比我！最後我因為太興奮仲揀咗紅腸、蛋、雞翼、豬大腸～走個陣老闆仲好細心提包汁要分開沾，如果唔係就會太鹹！-返到屋企試完，全家人(當然包括我)都覺得好好食！每一樣都勁入味，加埋個汁就更出色！食到我地個個都勁開心🥳食物質素高！服務又好！真心推介！