武士拉麵 (Closed)

今晚晚餐想食拉麵，同朋友嚟到佐敦柯士甸路的武士拉麵，由於時間尚早，呢一帶人流稀少，只有我哋一台客人。打開Menu，拉麵嘅選擇不少，由魚介豬骨湯、四國香蔥油、黑蒜油、蕃茄豬骨數鹽味豬骨湯......應有盡有。可以自行選擇湯底嘅濃度，麵條嘅粗幼以及軟硬度。最後我揀咗「德川將軍拉麵」（醬油魚介豬骨湯底）$88。幾鍾意呢個湯底，帶微鹹、魚鮮香突出。麵質頗彈牙，不易變腍。足利將軍拉麵（黑蒜油豬骨湯底）$98黑蒜配合濃厚豬骨湯底，特別蒜香撲鼻，濃郁滋味！日式煎餃子 $30/5pcs小食都很好吃，尤其是餃子，煎得香脆， 亦十分飽滿。唐揚炸雞 $38/6pcs炸雞即叫即炸，食落肉汁豐盈。