沙縣特色小吃

Open Now

Now Closed

今日去左黃埔行街，有好多小店，食野買野好去處！行下行下見到間沙縣小吃，記得去西班牙旅行個陣都去過間沙縣小吃，就入去坐低，位置都寬敞，坐得舒服。招牌蒸餃，餃子樣貌好靚，蒸籠上，即叫即蒸，熱辣辣，配上醋好夾，餃子餡料都好多，肉質正正常常唔鬆散。雪梨豬肺盅，炖湯好濃，湯料多，仲有祛咳潤肺既功效，正！炸雲吞小份4 隻，望落好淺色，好似炸唔夠，但食落又好脆，配埋酸甜醬好吃。口水雞叫左麻辣小辣，係原隻雞髀，麻辣味道夠，好惹味，雞肉都唔鞋。豬大腸乾撈薯粉，走芫茜、走青、麻辣小辣，原來麻辣撈薯粉係好夾，每條薯粉都有麻辣汁。食左辣就叫左凍飲，凍奶茶同凍檸茶，唔係茶記，茶底都濃厚茶味，唔錯！整體而言，大部分既食物都好食！