福助居日本料理 (Closed)

喺太古坊搵食其實都唔易，一係要12:30前去到餐廳，避開人羣先食到好少少，想食d出名受歡迎d嘅12:15前就要到，否則就慢慢排隊等吧！所以有時都想避開人羣買外賣，今日行過見到福助日本料理變咗只提供外賣，不設堂食。其實平民價外賣都有可以有質素，呢個洋蔥牛肉飯，份量絕對足夠，牛肉同洋蔥份量都相當多，洋蔥係有用心炒過，軟淋入味，醬汁唔會好多但係足夠送晒d飯，只需$36！真係好抵！支持小店！見佢滑蛋豬扒飯都幾多人叫，只係$30！真心抵！