Venchi (東薈城名店倉)

Open Now

Now Closed

呢間雪糕舖一直都好想試，但係唔知點解一直都冇入到去，今日終於都有時間，就去試吓啦！佢都算幾多選擇，連雪花都有四五款，值得一讚。今次我哋總共叫咗兩杯，一杯係榴槤同Tiramisu，另一杯係榛子同開心果。榴槤味好濃，職員一打開個蓋就已經聞到好濃嘅榴槤味！不過個人覺得同雪葩唔算好夾，如果佢係榴槤雪糕嘅話應該會更加好食。而Tiramisu都幾香，酒味都幾濃，鍾意食Tiramisu嘅人應該會幾鍾意～榛子同開心果兩個都好香！一食落去就知道佢就落足果仁！個人覺得榛子味道比開心果味道濃烈，開心果味奶味比較重，略嫌有少少蓋過咗開心果味，反而榛子味就真係好出，淡淡都深受榛子嘅香氣。另外食佢哋嘅雪糕一定要加錢top up果仁脆脆cone！因為佢哋嘅果仁脆脆係即整，好有誠意！ ！