華輝小食 (Moved) New Location

好耐冇嚟過食腸粉，今日難得去大圍諗住去試好耐冇食嘅wah fai ，見到咁多負評都有猶豫下，但唔知係真定係惡意批評，所以最後決定都係試吓，睇吓係真定假.態度方面: 啲阿姐態度就真係麻麻地，冇表情語氣亦都冇服務可言，因為其他人有Number牌我冇，所以我企咗入去等，另一個啊姐一開始嫌我阻埞叫我出去出去等，但當知道我冇Number牌，問完我食乜就冇再出聲. 環境方面:鋪內有啲堂食枱櫈，但環境比較舊，好似茶餐廳咁. 食物質素: 腸粉係好食嘅，keep得到當年質素，口感軟滑，最重要嘅醬汁亦調配得啱啱好😋.所以整體嚟講，真係好食嘅👍🏻不過服務真係要改進下