首爾石鍋燒 (Closed)

呢間韓國野係旺角本身有兩間，應該有一間執咗，係朋友以前帶過我黎食過幾次，佢誇到明明係九龍灣返學都放咗學特登走過黎食咁變態😂🙈，雖然我都覺得佢地既野係幾好食，不過都不致於咁吸引既。今日見好耐冇食，又去食下。之前多數叫豆腐鍋烏冬，因為鐘意食粉麵類同飲辣湯。今次試下第二d，10幾分鐘就上到餐，我唔記得係撈之前影相，個飯既配料唔多，雞肉普通，呢個價錢都正常係雪藏雞，本身醬汁唔多，撈半匙辣醬辣度啱啱好。跟set有粟米蛋花湯同熱飲，例湯清清地配個飯剛剛好，整體價錢味道同份量都合理。店舖裝修黑色為主，燈光較暗，佢冇大枱，一大班人較難圍埋一齊食，但總算係幾個休閒午餐之選。