La Vista

係大嶼山行完山落返去東涌食晚餐，呢間餐廳雖然離地鐵站一段距離，但可以跟酒店shuttle入嚟。餐廳對住個海景，分室內外座位，想享受海景一定要坐室外位，對住海同朋友傾偈飲杯酒好chill!! 而且座位幾大同枱之間嘅距離唔會太近，一大班人飯聚又得、幾個朋友食嘢吹水亦唔會吵到隔離👍🏼最重要係叫嘅所有食物都好好食！香料夠味但又唔會太濃搶左本身食材味道，而且價錢分量合理。果晚我哋坐喺室外最角落頭嘅位，侍應都不時會走過嚟睇吓有咩需要，服務都好好。如果之後再去東涌果頭肯定會再幫襯！