水門橋 (Closed)

今日心血來潮好想食海南雞飯，醒起之前有人話呢邊有間新開既海南雞飯，好似話好多人排隊買咁，所以就去睇下啦~Lunch時間，行到過去一點，無咩人排隊，不過有4、5個人等緊拎。全店得2款飯賣，就係海南雞飯同豬手飯~ 我就揀左海南雞~2分鐘度就拎得啦~都幾熱~佢仲比左個環保袋我，仲送左枝檸檬香茅水。總共: $50行返office 要10分鐘度，個飯都拎出黎係暖偏熱既！左上係枝檸檬香茅水。個包裝幾靚下，打開個盒飯個賣相都okay~d雞睇落幾靚~食落都好滑，點埋個醬汁都幾惹味！ 盒飯仲有d少少酸蘿蔔啊菜咁，都幾開胃！$50係灣仔有個飯，有枝野飲，仲幾好食！下次可以去試埋個豬手飯！