新泰東南亞餐廳 (Closed)

今日黎食係香港有唔少分店嘅新泰東南亞美食黎試下，而我同朋友今次就選左位於灣仔嘅分店試下。店內裝修好有東南亞特式，好多四人或以上嘅座位。每個座係都好寬闊，一齊座都唔會逼逼埋埋一齊。幾啱一班朋友黎食。但今次同朋友兩個黎食。餐牌上菜式選擇好多，有泰式有越式有馬來西亞嘅菜式。我地今次點左冬陰功海鮮金邊粉、馬拉盞通菜、泰式生蝦、青咖哩雞、印度薄餅、青擰梳打同 三色冰。冬陰功海鮮金邊粉 - 份量好足，粉同海鮮都好多有 青口、鮮魷、鮮蝦等。冬陰功唔會好辣，但就冬陰功味道夠濃，啱晒香港人口味。泰式生蝦- 全晚我最愛嘅 一道菜，生蝦刺生夠晒生鮮，辣椒蒜香比例啱啱好，加埋佢加醬同蒜片一齊食就更加正。好好味。青咖哩雞- 味道好正宗，唔算好辣。青咖哩配上雜菜、泰式茄子、雞肉。最啱就係配上印度薄餅一齊食。薄餅吸左少少青咖哩汁。咁樣食最正。馬拉盞通菜 - 炒得好夠鑊氣同均勻，條條菜都食到馬拉盞嘅味道青擰梳打，佢地係用泰國出產嘅 梳打水，連埋個瓶比你自己倒黎飲。個瓶仔好可愛。三色冰- 好多時去泰國食店飲嘅三色冰係求其加幾條唔同顏色嘅啫喱，加少少椰汁就算。但呢度唔同，佢嘅三色冰係用一粒粒大粒嘅椰果。好有咬口。好飲好食