御品·千之味 (大全街) (Closed)

去到大角咀區覓食，今次搵到間幾有心思的日式料理店。以我所知呢間鋪頭喺深水埗都有一間店，menu有套餐有散叫有壽司刺身串燒等等，小店格局，估唔到食物質素都唔錯。蟹子沙律（$35）青瓜絲夠新鮮，咬落索索聲，好清新。芝麻雞翼（$38）雞翼炸得香口又入味，唔錯。特大赤蝦壽司（$32）：蝦肉新鮮有彈性。帶子壽司（$35）、油甘魚壽司（$35）、劍魚腩壽司（$28）：睇相未必睇到個壽司size的大細，其實份量都幾足，帶子同魚都幾新鮮。有兩種豉油，分別可以配刺身同壽司。火龍卷（$78）賣相好好，仲好有心思添！卷物內餡係炸蝦，面頭有好多蟹子，好澎拜呢！