亞萊泰 (黃大仙中心北館) (Moved) New Location

亞萊泰早幾個月以來過一次，感覺這家餐廳的食物性價比高，非常抵食，而且佢無加一就更化算啦！餐廳主打泰國及東南亞菜，選擇不少。店員親切有禮，更向我們主動推介甜品選擇呢！泰式蝦餅：蝦餅的份量非常多，有三大件，每件都厚厚實實，如果兩個人食完都幾飽㗎 ！味道非常唔錯，作為餐前小食係不錯的選擇。泰式海鮮濕炒可：海鮮份量好多，有蝦、魷魚、蜆、菜……濕炒可的汁夠味，所以河粉都好夠味。河粉亦都炒得幾香口。蒜蓉炒椰菜苗：椰菜苗不嬲都好味，只需用蒜蓉炒，清清的就好夠味，食到我唔停口。印式燒餅：我哋雖然今次冇點咖喱，但都點左兩客印度薄餅，皆因見到個餅真係好香好味。熱辣辣又充滿牛油味，好香好正。椰汁西米糕：椰汁西米糕入邊加咗芋頭，令到口感特別左，唔太甜，味道剛剛好。椰汁燉燕窩：呢個係店員姐姐推介嘅，而家做緊特價， $40有找，熱熱嘅椰汁裏面有好多碎燕窩，滋補又養顏。最後佢嘅飲品有部份做緊買一送一嘅優惠，我哋都叫咗兩杯泰式飲品，味道都唔錯。