沐白小農 (Closed)

行街行得攰都想搵個地方坐下飲杯嘢，而家叻啡室通常都會逼爆人🤢🤢成日都好羨慕外國啲cafe 有咁多空間俾人慢活。 好彩畀我哋搵到呢間去赫德道嘅沐白，可以嘆住台式飲品 又有位置畀人坐下，仲配埋叉電!!!非常貼心😆沐白黑糖波霸鮮奶本身賣相已經滿分，黑糖掛杯做得靚，珍珠多到唔使錢咁 😂😂 有好重嘅黑糖味😋本身我自己飲開微甜， 不過呢杯係鮮奶所以真材實料冇得揀甜度😝但都ok喎， 最緊要唔係用糖水溝出嚟嗰啲甜遮🤣大甲芋頭鮮奶 哩杯同樣係固定甜度，飲得出入面嘅甜味都係天然嘅唔係糖水👍 芋頭蓉非常濃郁且厚身， 員工建議飲之前先要搖勻， 不過都係因為好足料嘅關係，飲嘅時候都要都要keep住慢慢攪😂😂 鮮奶加埋淡淡嘅芋頭香， 芋頭控必點!!! 亦係飽肚之選，飲完好似食咗個芋頭一樣😂莓莓果茶 (加蘆薈)微甜微酸嘅莓莓果茶主要係用草莓打成， 茶底夠濃， 而且飲落好多果蓉好足料🍓🍓 我加咗蘆薈，反而好似破壞咗原本食果肉嘅口感🤣🤣可能因為兩者都浮面冇得分開食😂😂 下次應該加啲會沉底嘅(例如珍珠) 咁就滿分啦😝😝😝